गणपती बाप्पा मोरया..मंगलमूर्ती मोरया
आज दणाणून गेलाय साराच परिसर या गर्जनेने.
ढोल, ताशांच्या गजराने आसमंत व्यापून टाकलंय.
घरांघरांतील बाप्पा, सार्वजनिक मंडळातील श्रींच्या मुर्ती.. नजर जाईल तिथे फक्त आणि फक्त बाप्पा!
हा बाप्पा मला नेहमीच फार वेगवेगळ्या रुपांत दिसलाय.
‘लोणावळ्याचा आमच्या घरचा बाप्पा’ मला माझ्या मोठ्या भावासारखा वाटतो, जो माझ्यावर माया करतो, माझे लाड करतो. मी चुकले तर दटावतोही.कधी कधी आम्ही भांडलोसुद्धा आहोत. पण तरीही तो अन् मी फार लाडके आहोत एकमेकांचे.
नारायण पेठेतला, माझ्या सासरचा बाप्पा मात्र एकदम वडिलधारी माणूस वाटतो मला.त्याच्याविषयी प्रेम तर आहेच खुप पण त्याच बरोबरीने थोडा आदरयुक्त धाकदेखील आहे.कदाचित कधीकधी मी मनमोकळेपणानं बोलायला धजत नाही पण आश्चर्य म्हणजे त्याला माझ्या मनातले सगळं समजतं.
भांगरवाडी गणपती मंदिर उत्सवाचा बाप्पा म्हणजे माझा जिवाभावाचा मित्र वाटतो मला.खुप खेळलोय आम्ही, मज्जा केलीय, गुपिते share केली आहेत.
दरवर्षी गणेश चतुर्थीला आम्ही सगळे गणपती आणायला निघालो की हमखास दर्शन घडते ते हमालवाड्यातून निघणार्या ‘कसबा गणपतीचे’. अनभिषिक्त राजा! हि एकच व्याख्या त्याला लागू होते.पालखीत विराजमान झालेला हा बाप्पा जणू आपल्या नगरीचा फेरफटका मारून जनतेच्या समस्या दूर करणार असेच वाटते.
त्याचवेळी मंडईचा शारदा गजानन हा म्हणजे आपल्या सखीशी हितगुज करणारा, तिच्या जाणीवा समजून घेणार्या पतीप्रमाणे वाटतो.
दगडुशेठ हलवाई गणपती म्हणजे नगर संरक्षक अधिकारीच! संपूर्ण पुण्याची जबाबदारी घेतलेली दिसते त्याने.
आमच्या सृष्टीतला बाप्पा म्हणजे सई जुईंच्या वयाचा त्यांचा दोस्त वाटतो. वाटतं,पटकन येईल अन् म्हणेल की मावशी, सई जुई येणारेत का खेळायला?
बाप्पाची हि प्रत्येक रूपं हवीहवीशी वाटतात,मनाला भावतात.
पण DJ च्या गोंधळांत बसविलेले काही मंडळांचे बाप्पा मात्र मला ‘सासरचा जाच निमूटपणे सोसणार्या सूनेप्रमाणे भासतात. खुप केविलवाणे अन् एकाकी.ताकद त्यांच्यातही तितकीच आहे,इतर गणेशांसारखी! कोणत्याही क्षणी अन्यायाला प्रत्युत्तर करणारी, त्याविरूद्ध लढू शकणारी!
मात्र नजर वाट पहांत असते त्या वेळेची,जी ह्यासर्व निरर्थक गोष्टींचा,विचारांचा अचूक वेध घेऊ शकेल.
@अनघा पारखी
आज दणाणून गेलाय साराच परिसर या गर्जनेने.
ढोल, ताशांच्या गजराने आसमंत व्यापून टाकलंय.
घरांघरांतील बाप्पा, सार्वजनिक मंडळातील श्रींच्या मुर्ती.. नजर जाईल तिथे फक्त आणि फक्त बाप्पा!
हा बाप्पा मला नेहमीच फार वेगवेगळ्या रुपांत दिसलाय.
‘लोणावळ्याचा आमच्या घरचा बाप्पा’ मला माझ्या मोठ्या भावासारखा वाटतो, जो माझ्यावर माया करतो, माझे लाड करतो. मी चुकले तर दटावतोही.कधी कधी आम्ही भांडलोसुद्धा आहोत. पण तरीही तो अन् मी फार लाडके आहोत एकमेकांचे.
नारायण पेठेतला, माझ्या सासरचा बाप्पा मात्र एकदम वडिलधारी माणूस वाटतो मला.त्याच्याविषयी प्रेम तर आहेच खुप पण त्याच बरोबरीने थोडा आदरयुक्त धाकदेखील आहे.कदाचित कधीकधी मी मनमोकळेपणानं बोलायला धजत नाही पण आश्चर्य म्हणजे त्याला माझ्या मनातले सगळं समजतं.
भांगरवाडी गणपती मंदिर उत्सवाचा बाप्पा म्हणजे माझा जिवाभावाचा मित्र वाटतो मला.खुप खेळलोय आम्ही, मज्जा केलीय, गुपिते share केली आहेत.
दरवर्षी गणेश चतुर्थीला आम्ही सगळे गणपती आणायला निघालो की हमखास दर्शन घडते ते हमालवाड्यातून निघणार्या ‘कसबा गणपतीचे’. अनभिषिक्त राजा! हि एकच व्याख्या त्याला लागू होते.पालखीत विराजमान झालेला हा बाप्पा जणू आपल्या नगरीचा फेरफटका मारून जनतेच्या समस्या दूर करणार असेच वाटते.
त्याचवेळी मंडईचा शारदा गजानन हा म्हणजे आपल्या सखीशी हितगुज करणारा, तिच्या जाणीवा समजून घेणार्या पतीप्रमाणे वाटतो.
दगडुशेठ हलवाई गणपती म्हणजे नगर संरक्षक अधिकारीच! संपूर्ण पुण्याची जबाबदारी घेतलेली दिसते त्याने.
आमच्या सृष्टीतला बाप्पा म्हणजे सई जुईंच्या वयाचा त्यांचा दोस्त वाटतो. वाटतं,पटकन येईल अन् म्हणेल की मावशी, सई जुई येणारेत का खेळायला?
बाप्पाची हि प्रत्येक रूपं हवीहवीशी वाटतात,मनाला भावतात.
पण DJ च्या गोंधळांत बसविलेले काही मंडळांचे बाप्पा मात्र मला ‘सासरचा जाच निमूटपणे सोसणार्या सूनेप्रमाणे भासतात. खुप केविलवाणे अन् एकाकी.ताकद त्यांच्यातही तितकीच आहे,इतर गणेशांसारखी! कोणत्याही क्षणी अन्यायाला प्रत्युत्तर करणारी, त्याविरूद्ध लढू शकणारी!
मात्र नजर वाट पहांत असते त्या वेळेची,जी ह्यासर्व निरर्थक गोष्टींचा,विचारांचा अचूक वेध घेऊ शकेल.
@अनघा पारखी
Comments
Post a Comment